༄༅།། སྐུ་ཉིད་རྔ་བ་ཁུལ་བོད་ལུགས་སྨན་རྩིས་ཁང་གི་དྲ་ཚིགས་སུ་ཕེབས་པར་དགའ་བསུ་ཞུ།།

སྨན་གསར་ངོ་སྤྲོད།

ད་ལྟའི་དྲ་གནས།:དྲ་གནས་གཙོ་ངོས། > བོད་སྨན་རིག་གནས། > སྨན་གསར་ངོ་སྤྲོད།
ཤཱ་སའི་བཙོ་བཀྲུ་ཟླ་ཤེལ།
རྩོམ་པ་པོ། :admin   དུས་ཚོད།:2017-12-13 16:25 གྲོགས་པོར་མཉམ་སྤྱོད། :


【མིང་གཞན།】ཅོང་ཞི་སོ་བདུན། མན་ངག་བྱེ་བ་རིང་བསྲེལ་དུ་ཟླ་ཤེལ་མྱུ་གུའི་སྦྱོར་བ་ཞེས་གསལ།

【སྦྱོར་སྡེ།】བཙོ་ཐལ། ལྕགས་རྩི་ཟླ་འོད་སོགས་རིན་ཆེན་གྱི་ཁམས་དང་། ཁ་ཆེའི་གུར་གུམ། གླ་རྩི། ལི་ཤི་སོགས་རྩི་སྨན་གྱི་རིགས་སོགས།

【སྦྱར་ཐབས།】གོང་གི་སྨན་སྣ་རྣམས་ལས། བཙོ་ཐལ་དང་། གླ་རྩི་དོམ་མཁྲིས་གི་ཝཾ་ མ་གཏོགས་པའི་སྨན་གཞན་རྣམས་མཉམ་དུ་ཞིབ་པར་བཏགས་ལ་དར་ཚགས་སུ་དྲངས། དེ་ནས་བཙོ་ཐལདང་། དོམ་མཁྲིས་གི་ཝཾ་གླ་རྩི་རྣམས་སོ་སོར་ཞིབ་ཏུ་བཏགས་ནས་གོང་གི་ཕྱེ་མ་རྣམས་དང་མཉམ་དུ་སྐམ་འཐག་ཡུན་རིང་དུ་བྱས་རྗེས་རིལ་བུར་བསྒྲིལ། སྐམ་ཐག་ཆོད་ནས་རིལ་ཆགས་བྱས་པས་གྲུབ་པ་ཡིན།

【མདོག་དང་རང་བཞིན།】རིལ་བུ་འདི་ནི་ཁ་དོག་འབྲོང་རྭ་ལྟར་ནག་ལ་འོད་དང་ལྡན་པ། བཅག་མཚམས་སྔོ་ནག་ཆར་སྤྲིན་ལྟར་སྐྱ་ཉམས་ཡོད་པ། རོ་ཁ་ཞིང་ཅུང་ཟད་བསྐ་ལ་མངར་བག་དང་ལྡན་པ། དྲི་ཞིམ་ལྡན་པ་ལས་རིན་ཆེན་བཙོ་ཐལ་གྱི་བསུང་ཞིམ་ལྷག་པར་གསལ་བ། རང་བཞིན་ཅུང་བསིལ་བ་དང་། བཟི་དང་ལོག་སྐྱོན་སོགས་དབེན་པའི་རིན་པོ་ཆེའི་སྡེ་ཚན་དུ་གཏོགས་པའི་རིལ་བུ་ཞིག་ཡིན།

【ཕན་ནུས་དང་གཙོ་བཅོས།】དུག་དང་སྨུག་པོ་ཁྲག་ཏུ་འཁྲུ་སྐྱུག་དང་། །གབ་ཚད་རྙིངས་ཚད་འགྲམས་འཁྲུགས་ཐམས་ཅད་དང་། །མ་ཞུ་གླང་ཐབས་སྐྲན་དང་ཆུ་སེར་སྲིན། །ལྡན་འདུས་ནད་རྣམས་འཇོམས་པའི་རྡོ་རྗེ་འདི། །ཟླ་ཤེལ་སྨྱུ་གུའི་སྦྱོར་བ་ཞེས་བྱར་བཤད། །

【བསྟེན་ཚུལ།】ནད་སྟོབས་ཆེ་ཆུང་དང་བསྟུན་ནས། ཉིན་རེར་ཐེངས་༡~༢ ཐེངས་རེར་རིལ་བུ་རེ་ཁྲོབ་བརྡུངས་བྱས་ཏེ་ཆུ་བསྐོལ་ངད་ཡལ་གྱིས་སྦངས་ལ། ཐོ་རངས་དང་ཉིན་གུང་གི་དུས་སུ་གཏོང་རྒྱུ། 

【ཚད་གཞི།】རིལ་བུ་རེ་ལ་ལྗིད་ཚད་ཁེ་༡

【འཛེམ་བྱ་དང་བདག་གཉེར།】སྔོ་ངད་སྒོག་སྐྱ་དང་རོ་ཚ་སྐྱུར་གྱི་རིགས། འཇུ་དཀའ་བ་སོགས་ལ་གཟབ་དགོས། དཀར་འོད་ལ་སྲུང་འཛེམ་དང་། སྐམ་གཙང་བསིལ་བའི་གནས་སུ་ཉར་དགོས།

པར་དབང་། རྔ་བ་ཁུལ་བོད་ལུགས་སྨན་རྩིས་ཁང་། པར་དབང་འདི་གར་ཡོད། ཁ་པར་ཨང་གྲངས།(0837)2242510  བརྙན་སྐྱེལ་ཨང་གྲངས། (0837)2242510
ས་གནས། སི་ཁྲོན་ཞིང་ཆེན་རྔ་བ་ཁུལ་འབར་ཁམས་གྲོང་ཁྱེར་མཛེས་ལུང་སྲང་ལམ་གྱི་ཨང་176པ། སྦྲགས་ཨང་། 638000 Email:abzyybjb@163.com
技术支持:五佳网络  浏览次数:40397次  
  •  
  • སྐད་འཕྲིན་གྱི་བཤེར་རིས།